ІІІ Нядзеля Адвэнту (GAUDATE), Год В
17 снежня 2023
1. Шчыры дзякуй за кожную ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў у касцёле. За кожнае дабро і малітву няхай узнагародзіць вас Пан Езус і святы наш айцец Францішак. У нашай парафіі працягваюцца Адвэнтавыя рэкалекцыі, праводзіць іх бр. Віталь Бандаронак.
2. Сёння ў нашым касцёле адбываецца перадсвяточны калядны кірмаш. Можна знайсці шмат неабходных і прыгожых вырабаў на вігілійны стол і шмат цікавых упрыгожванняў на навагоднія святы. Сардэчна запрашаем.
3. Дзяцей асабліва запрашаем у сераду і суботу на апошнія “раратнія” Святыя Імшы ў 6.45 (абяцаў завітаць святы Мікалай).
4. У нядзелю 24 снежня – ВІГІЛІЯ УРАЧЫСТАСЦІ Нараджэння Пана. Св. Імша паводле звычайнага нядзельнага раскладу, г.з. 8.00, 10.00, 12.00, але Св. Імшы ў 18.00 не будзе. Заахвочваем пашукаць у інтэрнэце або пачытаць на нашым сайце інфармацыю пра святкаванне Божага нараджэння ў сям’і, а таксама пра сімволіку розных абрадаў і звычаяў. Святая Імша на Урачыстасць Нараджэння Пана, якая называецца Пастэрка, распачнецца а 22.00. Перад начной Імшой адбудзецца калядны спектакль, падрыхтаваны нашымі парафіянамі. Пачатак спектакля ў 21.00.
5. Учора ў нашу парафію быў дастаўлены скаўтамі бэтлеемскі агонь, які можна ўзяць у свае дамы на вігілійны стол.
6. У аўторак і сераду (19-20 снежня) будзем наведваць хворых нашай парафіі з удзяленнем святых сакрамэнтаў перад святам Божага Нараджэння. Жадаючых просім запісвацца ў сакрыстыі.
7. 22 снежня ў пятніцу пасля Св. Імшы а 18.00 будзем упрыгожваць касцёл да Урачыстасці Божага Нараджэння. Просім усіх парафіянаў дапамагчы.
8. Інфармацыя адносна пастырскага візіту (каляды) ў нашай парафіі. Усіх, хто жадае прыняць нашых братоў з візітам, просім паведаміць у закрыстыі альбо парафіяльнай краме, падаючы свае дадзеныя (імя, прозвішча, дакладны адрас, актуальны нумар мабільнага тэлефона). Вялікая просьба падаць дадзеныя да 1 студзеня, каб мы паспелі запланаваць праграму візіту.
9. Нагадваем пра тое, што ў нашай парафіі ёсць праект "Век жыві, век вучыся". Запрашаем у наш клас кожны аўторак і пятніцу а 19.00.
10. Усіх, хто не змог ці не паспеў далучыцца да акцыі “Адрый сваё сэрца”, а хацеў бы зрабіць учынак міласэрнасці, запрашаем звярнуць увагу на скрыню, якая стаіць пры выхадзе з касцёла. Туды можна пакласці рэчы, звязаныя з тэматыкай Божага Нарадэння, зімовых святаў і іншыя, напр. кава, гарбата, сродкі асабістай гігіены, ручнікі. Складаем гэта ўсё ў скрыню, а затым валанцёры зкамплектуюць падарункі і перададуць тым, хто іх чакае.
11. Запрашаем наведаць нашу парафіяльную краму, дзе заахвочваем набываць рэлігійную літаратуру і часопісы, абразы, малітоўнікі, календары на 2024 год, аплаткі на вігілійны стол, фігуркі са штучнага каменя і інш.
Прапануем прамую трансляцыю нядзельнай Св. Імшы а 10.00 гадзіне на нашым YouTube канале. Каб нас знайсці, трэба шукаць: Парафія св.Казіміра Касцёл св.Піо ў Маладзечне.
Раім паглядзець альбо паслухаць: Радыё Марыя
Па якім прынцыпе выбіраюцца хросныя.
Для ахвярадаўцаў
Рэлігійная абшчына «Рымска-каталіцкая парафія Касцёла «Святога Казіміра» у г. Маладзечна Мінскай вобласці» вул. Прытыцкага 17, 222310 г. Маладзечна УНП 601011351 Р/р: BY16 PJCB 30151107321000000933 «Прiорбанк» ААТ БIК SWFT: PJCBBY2X
Ахвяраванне для нашай парафіі можна здзейсніць праз сістэму АРІП па нумару паслугі 4922841, а таксама ў дрэве АРІП праз інтэрнэт-банкінг: дабрачыннасць, грамадзкія аб’яднанні - рэлігійныя аб’яднанні – Молодечно Приход Св. Казимира - ахвяраванне
І Нядзеля Адвэнту, Год В
3 снежня 2023
1. Шчыры дзякуй за кожную ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў у касцёле і каля яго, хто рыхтаваў адвэнтавыя дэкарацыі. Дзякуем за вашу працу і адказнасць! За кожнае дабро і малітву няхай узнагародзіць вас Пан Езус і святы наш айцец Францішак.
2. Сёння распачынаецца новы Літургічны Год і літургічны перыяд АДВЭНТУ. На працягу ўсяго гэтага часу (таксама і ў панядзелак) а 6.15 будзем спяваць Гадзінкі аб Беззаганным Зачацці Найсвяцейшай Панны Марыі, а пасля Гадзінак, у 6.45 - удзельнічаць у Святой Імшы. Нашых дзяцей асабліва запрашаем на “раратнюю” Святую Імшу ў сераду і суботу.
3. На гэтым тыдні адзначаем:
- 6 снежня ў сераду – успамін св. Мікалая, біскупа. На колькі нам вядома, з-за вялікай колькасці снегу на дарозе ён зможа прыбыць у нашую парафію толькі праз месяц – 6 студзеня :).
- 7 снежня ў чацвер – успамін св. Амброзія, біскупа і доктара Касцёла. Пасля святой Імшы а 18.00, запрашаем усіх на малітву ў гонар Найсвяцейшай Панны Марыі – Акафіст.
- 8 снежня ў пятніцу – урачыстасць Беззаганнага Зачацця Найсвяцейшай Панны Марыі (абавязковая). Святая Імша ў гэты дзень: а 6.45, 8.00 і 18.00. Падчас вячэрняй св. Імшы з удзелам кс. біскупа Юрыя Касабуцкага адбудзецца бласлаўленне і запуск нашых званоў. Сардэчна запрашаем супольна памаліцца і пачуць “новы голас” нашай святыні.
4. Інфармацыя адносна пастырскага візіту (каляды) ў нашай парафіі. Усіх, хто жадае прыняць нашых братоў з візітам, просім паведаміць у закрыстыі альбо парафіальнай краме, падаючы свае дадзеныя (імя, прозвішча, дакладны адрас, актуальны нумар мабільнага тэлефона). Вялікая просьба падаць дадзеныя да 1 студзеня, каб мы паспелі запланаваць праграму візіту.
5. Мужчын заахвочваем прыняць удзел у адвэнтавым курсе “Адкрый у сабе сілу”, які прадугледжвае малітоўнае разважанне гісторыі жыцця караля Давіда кожны дзень Адвэнту. Падрабязнасці ў парафіяльнай групе і на дошцы аб’яў.
6. Нагадваем пра тое, што ў нашай парафіі ёсць праект "Век жыві, век вучыся". Запрашаем у наш клас кожны аўторак і пятніцу а 19.00. Падрабязнасці на дошцы аб’яў.
7. Аб’ява для тых, хто запісаўся на экскурсію-вандроўку, што адбудзецца 9 снежня: выезд са стаянкі касцёла а 8.00. Калі ласка, не спазняйцеся, вазьміце з сабою бутэрброды (канапкі), напоі на дарогу і добры настрой.
8. Сёння, на пачатак Адвэнту, валанцёры нашага Карытас ладзяць акцыю "Адкрый сваё сэрца". Яны прапануць, як і ў мінулым годзе, падтрымаць сем’і, якія выхоўваюць дваіх дзяцей з інваліднасцю. У Маладзечанскім раёне такіх сямей - 23, і з іх - 11 з’яўляюцца шматдзетнымі. Нам патрэбна сабраць 66 падарункаў. Запрашаем да ўдзелу ў акцыі, каб падзяліцца часцінкай свайго сэрца з сям’ёй, якая выхоўвае дваіх дзяцей з інваліднасцю. Картку з імем дзіцяці, якому будзеце збіраць падарунак, можна ўзяць у нашай парафіяльнай краме. Пасля святых Імшаў там будуць стаяць валанцёры.
9. Таксама сёння, як мы і абяцалі, пасля кожнай Святой Імшы зможам паслухаць сведчанні прадстаўнікоў групы Ананімных Алкаголікаў, якія сустракаюцца пры нашай парафіі.
10. Запрашаем наведаць нашу парафіяльную краму, дзе заахвочваем набываць рэлігійную літаратуру і часопісы, абразы, малітоўнікі, календары на 2024 год, аплаткі на вігілійны стол, фігуркі са штучнага каменя і інш.
Прапануем прамую трансляцыю нядзельнай Св. Імшы а 10.00 гадзіне на нашым YouTube канале. Каб нас знайсці, трэба шукаць: Парафія св.Казіміра Касцёл св.Піо ў Маладзечне.
Раім паглядзець альбо паслухаць: Радыё Марыя
Па якім прынцыпе выбіраюцца хросныя.
Для ахвярадаўцаў
Рэлігійная абшчына «Рымска-каталіцкая парафія Касцёла «Святога Казіміра» у г. Маладзечна Мінскай вобласці» вул. Прытыцкага 17, 222310 г. Маладзечна УНП 601011351 Р/р: BY16 PJCB 30151107321000000933 «Прiорбанк» ААТ БIК SWFT: PJCBBY2X
Ахвяраванне для нашай парафіі можна здзейсніць праз сістэму АРІП па нумару паслугі 4922841, а таксама ў дрэве АРІП праз інтэрнэт-банкінг: дабрачыннасць, грамадзкія аб’яднанні - рэлігійныя аб’яднанні – Молодечно Приход Св. Казимира - ахвяраванне