З 6 па 11 ліпеня ў нашай парафіі адбыўся летнік для Рыцараў святога Францішка, арганізаваны братам Сяргеем, які стаў асаблівым благаслаўлёным часам сярод школьных канікул.
Цягам шасці дзён дзеці прыходзілі ў касцёл, маліліся; з дапамогай аніматараў з моладзі і старэйшых парафіян вучыліся быць камандай, выконваючы розныя заданні; гулялі; спаборнічалі; ...
...наведвалі майстар-класы па кулінарыі, вырабу ружанцаў, фларыстыцы і аквагрыму; слухалі катэхэзы, падрыхтаваныя моладдзю; ...
... а таксама рыхтавалі песні, танцы і сцэнкі, прэм'ера якіх адбылася ў апошні дзень летніка.
Важнай падзеяй стала Святая Імша ў пятніцу, падчас якой брат Сяргей, нагадаў удзельнікам пра важнасць падзякі Богу за гэты цудоўны час і за людзей побач.
Напрацягу ўсяго часу летніка шчырыя дзіцячыя ўсмешкі і звонкія галасы напаўнялі прастору і ўслаўлялі Бога сваёй простай радасцю.
Тэкст: Ганна-Марыя Гараніна
Фота: Антон Савянок
Па спасылцы можна спампаваць фота ў добрай якасці.
