1. Шчыры дзякуй вам за кожную малітву, ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў касцёл. За кожнае дабро няхай узнагародзіць вас Пан Езус і святы наш айцец Францішак.
2. Сёння адзначаем нядзелю Хросту Пяна, якая завяршае літургічны перыяд Божага Нараджэння. З панядзелку 13 студзеня распачынаем перыяд “на працягу году” альбо т.зв. “звычайны”. Калядныя ўпрыгожванні ў нашым касцёле застануцца яшчэ на некаторы час.
3. На гэтым тыдні адзначаем:
- У пятніцу 17 студзеня – успамін св. Антонія, абата.
4. Працягваецца пастырскі візіт (каляду) у нашай парафіі. Парадак візіту на гэтым тыдні наступны:
- у панядзелак і аўторак – вул. Вялікі Гасцінец, няцотныя дамы (Рухацца будзем прыкладна па ўзрастаючай, г.зн. панядзелак з 70-ых па 140-ыя ўключна, аўторак – ад 150-ых і вышэй);
- у сераду – вул. Крынічная;
- у чацвер – вул. Т.Дудко;
- у пятніцу – вул. Міру;
- Сем’і пенсійнага ўзросту будзем старацца наведваць удзень, пачынаючы з 10.00, аднак толькі пасля папярэдняга тэлефоннага паведамлення. Усіх астатніх, з 17.00 да 21.00.
5. Вельмі важная і радасная аб’ява: у нашай парафіі паўстае новая супольнасць! Гэта супольнасць для дзяцей ад 8 да 14 год і называецца яна “Рыцары Святога Францішка”. Вельмі заахвочваем дзяцей (і дзяўчынак, і хлопчыкаў) і бацькоў зацікавіцца гэтай ініцыятывай, бо супольнасць – гэта не толькі набыццё новых рэлігійных ведаў, а перадусім бясцэнны досвед радаснага прабывання разам, братэрскіх сустрэч, сумеснай малітвы, выхавання да служэння сабе ўзаемна. На першую арганізацыйную сустрэчу запрашаем бацькоў і дзяцей у суботу 25 студзеня а 16.00 у нашую капліцу.
6. У суботу 18 студзеня а 12.00 у Малой зале Палаца Культуры ў Маладзечне будзе прадстаўлена п’еса-казка “Драўляны Рыцар” у выкананні нашай тэатральнай групы. Запрашаем наведаць, паглядзець і падтрымаць нашых парафіянаў.
7. А ў наступную нядзелю 19 студзеня пасля вячэрняй Святой Імшы да нас завітае тэатрык з Докшыц разам з братам Ігарам, каб прадставіць свой калядны спектакль з дапамогай “эфекту ценяў”. Сардэчна запрашаем застацца і пабачыць гэтае прыгожае дзейства!
8. Запрашаем наведаць нашу парафіяльную краму, дзе можна набыць календары, рэлігійную літаратуру і часопісы, абразы, малітоўнікі, фігуркі са штучнага каменя, срэбныя ланцужкі, крыжыкі і інш...
Прапануем прамую трансляцыю нядзельнай Св. Імшы а 1000 гадзіне на нашым YouTube канале. Каб нас знайсці, трэба шукаць: Парафія св.Казіміра Касцёл св.Піо ў Маладзечне.
Раім паглядзець альбо паслухаць: Радыё Марыя
Па якім прынцыпе выбіраюцца хросныя.