1. Шчыры дзякуй за кожную ахвяру і дапамогу на карысць касцёла і кляштара. Вялікая ўдзячнасць тым, хто прыбіраў у касцёле на гэтым тыдні. Няхай за ўчыненае дабро ўзнагародзіць вас Пан Езус і Святы наш айцец Францішак Асізскі.
2. На гэтым тыдні адзначаем:
- 3 верасня ў аўторак— успамін Грыгорыя Вялікага, папы і доктара Касцёла.
3. Асабліва ў гэтым годзе запрашаем наведаць наш адноўленны касцёл ў Хоўхлаве.
- Урачыстасці ў гонар Найсвяцейшага Імя Марыі распачнём святкаваць 8 верасня св. Імшой а 11.30 у наступную нядзелю. Узначаліць св. Імшу і прамовіць казанне кс. Генрых Кучынскі.
- 15 верасня ў нядзелю а 14.00 св. Імшу ўзначаліць кс. Біскуп Юрый Касабуцкі. Падчас урачыстасці біскуп Юрый правядзе цырымонію перапахавання парэшткаў фундатараў святыні і нанова прысвяціць касцёл Найсвяцейшаму Імені Марыі.
Жадаючых паехаць на гэтую урачыстасць, просім звяртацца ў парафіяльную краму.
4. З 31 мая 2003 г. у Рыме вядзеца працэс беатыфікацыі архімандрыта Андрэя Цікоты, першага пробашча адноўленага касцёла святога Казіміра ў г. Маладзечна (з 1917 па 1918 г.). Больш падрабязна пра яго можна пачытаць на нашым сайце. Заахвочваем маліцца праз яго заступніцтва ў сваіх інтэнцыях. Пры выхадзе з касцёла можна ўзяць абразок з малітвай.
5. Для жадаючых запісаць дзіця на падрыхтоўку да І Святой Камуніі ў сакрыстыі знаходзіцца картка, на якой трэба пакінуць свае дадзеныя. З пытаннямі адносна катэхізацыі дзяцей, калі ласка, звяртайцеся да нашых сясцёр.
6. У хуткім часе распачнецца падрыхтоўка да сакрамэнтаў споведзі, Эўхарыстыі для дарослых, якія ніколі альбо даўно не прымалі гэтых сакрамэнтаў. Зацікаўленых просім запісацца на падрыхтоўку ў закрыстыі. Заняткі пачнуцца ад кастрычніка.
7. Просім звярнуць увагу на тое, што можна ўваходзіць у наш касцёл ужо і праз цэнтральны ўваход. Працы па рамонце цэнтральных сходаў працягнуцца праз тыдзень. Дзякуй вялікі ўсім, хто дапамагае ахвяраваннямі і малітвай, і просім далейшай падтрымкі.
8. Запрашаем наведаць нашу парафіяльную краму, дзе можна набыць календары на 2025 г., рэлігійную літаратуру і часопісы, фігуркі са штучнага каменя, срэбныя ланцужкі, крыжыкі і інш...
Прапануем прамую трансляцыю нядзельнай Св. Імшы а 1000 гадзіне на нашым YouTube канале. Каб нас знайсці, трэба шукаць: Парафія св.Казіміра Касцёл св.Піо ў Маладзечне.
Раім паглядзець альбо паслухаць: Радыё Марыя
Па якім прынцыпе выбіраюцца хросныя.