ІІІ НЯДЗЕЛЯ ВЯЛІКАГА ПОСТУ
3 сакавіка 2024 г.
1. Шчыры дзякуй за кожную ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў у касцёле. За дабро і малітву няхай узнагародзіць вас Пан Езус і святы наш айцец Францішак.
2. Сёння ў ІІІ нядзелю Вялікага посту ў Каталіцкім Касцёле ў Беларусі адзначаецца Нацыянальны дзень “Карытас”. Таму ўсе ахвяраванні, сабраныя сёння падчас Імшы, будуць прызначаныя на патрэбы “Карытас” Мінска-Магілёўскай архідыяцэзіі.
3. Перыяд Вялікага Посту - вельмі добры час для таго, каб чыніць міласэрнасць. З гэтай нагоды валанцёры нашага парафіяльнага Карытас запрашаюць усіх прыняць удзел у акцыі "Вялікапосная міласціна" - збор прадуктаў харчавання для патрабуючых і сродкаў асабістай гігіены для людзей, пражываючых у доме-інтэрнаце. Усё гэта можна скласці ў скрыню пры ўваходзе ў касцёл альбо скласці ахвяраванні ў скарбонку.
4. Заўтра, у панядзелак 4 сакавіка ў нашай парафіі адзначаем адпустовую ўрачыстасць св. Казіміра. Св. Імша ў гэты дзень будзе а 8.00 і а 18.00. Вячэрнюю св. Імшу ўзначаліць кс. бп Юрый Касабуцкі. Сардэчна запрашаем!
5. На падставе канона 87 § 1 Мітрапаліт Мінска-Магілёўскі арцыбіскуп Юзаф Станеўскі ўдзяляе на тэрыторыі архідыяцэзіі дыспенсацыю (вызваленне) ад устрымання ад спажывання мясных страваў вернікам у пятніцу 8 сакавіка 2024 года. Вернікі, якія будуць карыстацца гэтай дыспенсацыяй, павінны памаліцца ў інтэнцыях Святога Айца.
6. Велікапоснае набажэнства Крыжовага Шляху для дарослых, моладзі і дзяцей адбываецца на працягу Вялікага Посту па пятніцах: прыкладна ў 7.50 (адразу пасля ранішняй св. Імшы) і ў 17:15 вечарам. Дзяцей на набажэнства Крыжовага Шляху асабліва запрашаем у суботу ў 11.30.
7. Па нядзелях Песні Жальбы перад ранішняй Святой Імшой у 7:30 і перад вячэрняй Святой Імшой ў 17:30.
8. Велікапосныя рэкалекцыі ў нашай парафіі правядзе кс. Андрэй Зноска, пробашч парафіі Божай Міласэрнасці ў Лідзе. Распачнуцца рэкалекцыі ў пятніцу 15 сакавіка і закончацца ў нядзелю 17 сакавіка. Расклад рэкалекцый можна знайсці на дошцы аб’яваў, на нашым сайце і ў вайберы. Заахвочваем запланаваць час, каб плённа ўдзельнічаць у рэкалекцыях.
9. Запрашаем наведаць нашу парафіяльную краму, дзе можна набыць рэлігійную літаратуру, часопісы і іншае.
Прапануем прамую трансляцыю нядзельнай Св. Імшы а 10.00 гадзіне на нашым YouTube канале. Каб нас знайсці, трэба шукаць: Парафія св.Казіміра Касцёл св.Піо ў Маладзечне.
Раім паглядзець альбо паслухаць: Радыё Марыя
Па якім прынцыпе выбіраюцца хросныя.
Для ахвярадаўцаў
Рэлігійная абшчына «Рымска-каталіцкая парафія Касцёла «Святога Казіміра» у г. Маладзечна Мінскай вобласці» вул. Прытыцкага 17, 222310 г. Маладзечна УНП 601011351 Р/р: BY16 PJCB 30151107321000000933 «Прiорбанк» ААТ БIК SWFT: PJCBBY2X
Ахвяраванне для нашай парафіі можна здзейсніць праз сістэму АРІП па нумару паслугі 4922841, а таксама ў дрэве АРІП праз інтэрнэт-банкінг: дабрачыннасць, грамадзкія аб’яднанні - рэлігійныя аб’яднанні – Молодечно Приход Св. Казимира - ахвяраванне