1. Шчыры дзякуй за кожную ахвяру і дапамогу на карысць касцёла і кляштара. Дзякуй усім за малітву, супрацоўніцтва, зычлівасць, ахвярнасць і клапатлівасць. Вялікая ўдзячнасць, тым, хто прыбіраў у касцёле і даглядаў кветкі на гэтым тыдні. Няхай за ўчыненае дабро ўзнагародзіць вас Пан Езус і Святы наш айцец Францішак.
2. На гэтым тыдні адзначаем:

• У аўторак 8 жніўня – свята св. Дамініка, прэзбітэра, Заснавальніка Ордэна Прапаведнікаў.
• У сераду 9 жніўня – свята св. Тэрэзы Бэнэдыкты ад Крыжа, панны і мучаніцы, апякункі Еўропы.
• У чацвер 10 жніўня – свята св. Лаўрэнція, дыякана і мучаніка.
• У пятніцу 11 жніўня – свята св. Клары, панны.

3. Гэты год – 2023-ці – можна сапраўды назваць юбілейным для нашай парафіі і нашага касцёла. І вось чаму:

265 гадоў з даты асвячэння аднаго з першых касцёлаў у Маладзечне – Нараджэння Найсвяцейшай Дзевы Марыі – пабудаванага ў верасні 1758 года.

105 гадоў назад, у 1918 годзе, касцёл зноў сваю дзейнасць аднавіў. І называўся ён ужо касцёлам Святога Казіміра.

20 гадоў назад, у 2003 годзе, быў атрыманы дазвол на будаўніцтва новага касцёла.

7 жніўня 2003 г. адбылося ўрачыстае асвячэнне крыжа.

Першая Імша ў пабудаванай капліцы адбылася на Божае Нараджэнне ў 2003 г.

4. У нядзелю 13 жніўня, у гонар Унебаўзяцця Насвяцейшай Панны Марыі, з падзякай за сёлетні ўраджай, а таксама з нагоды так значных юбілеяў з 9.00 да 19.00, ў нашай парафіі адбудзецца ўжо амаль традыцыйны святочны - трэці "МЯДОВЫ КІРМАШ". Можна будзе набыць смачны мёд і іншыя карысныя вырабы. Мы запрасілі рамеснікаў і іншых цікавых прадпрымальнікаў, будзе таксама фудкорт з прысмакамі. А 14.00 распачнецца канцэрт выступам вакальнага гурта “Асалода”, пасля гэтага а 15.00 пачуем гурт “Дразды”, а а 16.00 адбудзецца імправізаваны канцэрт гуртоў, паміж іншым нашых дарослага хору і дзіцячага хору “Зярняткі”. Для дзяцей будуць арганізаваны забаўляльныя пляцоўкі. Запрашайце таксама да удзелу знаёмых і сяброў, можна будзе прадаваць садавіну, агародніну і іншае, усім месца хопіць. Спадзяемся, што гэта будзе свята не толькі для нашай парафіі, але і для ўсяго горада Маладзечна і яго гасцей. Кантакт для рэгістрацыі ўдзельнікаў: +375295164660 Дамініка.
5. Яшчэ адна радасная навіна для ўсіх нас: у нашую парафію з Германіі прыбылі чатыры званы, якія будуць абвяшчаць Божую хвалу з вежы нашага касцёла. Адбылося гэта праз сапраўды цудоўную Божую ласкавасць, а таксама ахвярную зычлівасць нашых парафіянаў і іншых добрых людзей.
6. Як звычайна ў аўторак вячэрняя св. Імша з набажэнствам да св. Піо. Святую Імшу можна слухаць праз Радыё Марыя.
7. Адарацыя Найсвяцейшага Сакрамэнту ў летні перыяд у чацвер пачынаецца з 17.00.
8. Запрашаем наведаць нашу парафіяльную краму, дзе можна набыць рэлігійную літаратуру і часопісы, абразы, малітоўнікі, фігуркі са штучнага каменя і інш...

    

   Прапануем прамую трансляцыю нядзельнай Св. Імшы  а 10.00 гадзіне на нашым  YouTube канале (каб нас знайсці, трэба шукаць: Парафія св.Казіміра Касцёл св.Піо ў Маладзечне).

   наш   YouTube канал

   Раім пачытаць, паглядзець  альбо паслухаць:  

   Радыё Марыя

   Па якім прынцыпе выбіраюцца хросныя?

   Для ахвярадаўцаў

   • Рэлігійная абшчына «Рымска-каталіцкая парафія  Касцёла «Святога Казіміра» у г. Маладзечна Мінскай вобласці» вул. Прытыцкага 17, 222310 г. Маладзечна УНП 601011351 Р/р: BY16 PJCB 30151107321000000933 «Прiорбанк» ААТ БIК SWFT: PJCBBY2X

     

      Ахвяраванне для нашай парафіі можна здзейсніць праз сістэму АРІП па нумару паслугі 4922841, а таксама ў дрэве АРІП праз інтэрнэт-банкінг: дабрачыннасць, грамадзкія аб’яднанні - рэлігійныя аб’яднанні – Молодечно Приход Св. Казимира - ахвяраванне