1. Шчыры дзякуй вам за кожную малітву, ахвяру і дапамогу на карысць касцёла і кляштара. Асаблівая падзяка тым, хто прыбіраў касцёл на мінулым тыдні. Дзякуем усім за ахвяраванні на аднаўленне будслаўскага абраза св. Францішка, які знаходзіцца цяпер у нашым касцёле. За кожнае дабро няхай узнагародзіць вас Пан Езус і святы наш айцец Францішак.
2. На гэтым тыдні адзначаем:
- У аўторак 4 жніўня – успамін св. Яна Марыі Віянэя, прэзбітэра.
- У чацвер 6 жніўня – свята Перамянення Пана.
- У суботу 8 жніўня – свята св. Дамініка, прэзбітэра, заснавальніка ордэна Прапаведнікаў.
3. У суботу 29 жніўня адбудзецца аўтобусная пілігрымка на ўрачыстасць кансэкрацыі касцёла ў Жупраны. Адпраўленне аўтобуса а 8.30 з паркоўкі каля ТЦ “Тройка” ў Маладзечне, прыпынак каля касцёла ў Лебедзева а 8.50. Кошт удзелу 20 рублёў. Запісацца можна ў парафіяльнай краме. Сардэчна запрашаем!
4. Нашую братнюю супольнасць у Маладзечне не абмінулі персанальныя змены. Таму ў наступную нядзелю, 9 жніўня, падчас святой Імшы а 10.00 будзем дзякаваць бр. Уладзіславу Мінько за 5 год служэння ў нашай парафіі. Бр. Уладзіслаў накіроўваецца ў Менск (Новая Баравая), дзе будзе пробашчам парафіі св. Францішка. Падчас гэтай святой Імшы адбудзецца ўвядзенне новага пробашча - бр. Сяргея Гусара і прыняцце ім служэння ў нашай парафіі.
5. Запрашаем наведваць нашу парафіяльную краму, дзе можна набыць Біблію, духоўную літаратуру, капуцынскі бальзам, рэлігійную літаратуру і часопісы, абразы, малітоўнікі і інш.
Карысныя спасылкі:
- Прапануем прамую трансляцыю нядзельнай Св. Імшы а 10:00 гадзіне на нашым YouTube канале. Каб нас знайсці, трэба шукаць: "Парафія св.Казіміра Касцёл св.Піо ў Маладзечне".
- Раім паглядзець альбо паслухаць:Радыё Марыя
- Па якім прынцыпе выбіраюцца хросныя.