1. Шчыры дзякуй вам за кожную малітву, ахвяру і дапамогу на карысць касцёла і кляштара. Асаблівая падзяка тым, хто прыбіраў касцёл на мінулым тыдні, а таксама тым, хто дапамог у арганізацыі пілігрымкі ў Будслаў сваімі малітвамі, прадуктамі, ахвяраваннямі. За кожнае дабро няхай узнагародзіць вас Пан Езус і святы наш айцец Францішак.
2. Трывае чэрвень – месяц, асабліва прысвечаны Найсвяцейшаму Сэрцу Езуса Хрыста. Запрашаем на чэрвеньскія набажэнствы кожны дзень а 17.30.
3. На гэтым тыдні адзначаем:
- У панядзелак 29 чэрвеня – урачыстасць святых Пятра і Паўла, Апосталаў. Расклад святых Імшаў у гэты дзень: 7.15, 9.00 і 18.00. У гэты дзень зборы ахвяраванняў прызначаюцца на патрэбы Апостальскай Сталіцы.
- У чацвер 2 ліпеня – урачыстасць Найсвяцейшай Панны Марыі Будслаўскай. Расклад Святых Імшаў ў гэты дзень: 7.15 і 18.00.
- У пятніцу 3 ліпеня – свята св. Тамаша, апостала.
4. Увага! У пятніцу і суботу 3-4 ліпеня у Нацыянальным санктуарыі ў Будславе адбудуцца ўрачыстасці ў гонар Маці Божай Будслаўскай. У пятніцу а 18-й гадзіне і суботу раніцай ў 7.15 святой Імшы ў нашым касцёле не будзе!
5. 33-пешая пілігрымка Маладзечна – Будслаў вырушыць ў панядзелак Святой Імшой а 9.00, якую узначаліць бр. Алег Шэнда. Сардэчна запрашаем далучыцца да малітвы за пілігрымаў.
6. Ёсць магчымасць паехаць на Будслаўскі фэст і аўтобусам. Выезд у суботу 4 ліпеня а 8.00 з паркоўкі каля гіпермаркета “Светафор”. Кошт 22 рублі, запіс у парафіяльнай краме.
7. З 25 чэрвеня да 20 жніўня адбываецца рэгістрацыя кандыдатаў для паступлення ў Мінскі тэалагічны каледж iмя св. Яна Хрысціцеля на 2026-2027 навучальны год. Заахвочваем скарыстацца з магчымасці паглыбіць свае рэлігійныя веды і знайсці сваю магчымасць служэння супольнасці Касцёла. Падрабязную інфармацыю можна знайсці ў вайберы і атрымаць у братоў.
8. Заахвочваем наведваць нашу парафіяльную краму, дзе перадусім можна набыць Біблію, духоўную літаратуру, а таксама іншыя прыгожыя і карысныя рэчы звязаныя з нашай верай і хрысціянскай тэматыкай.
Карысныя спасылкі:
- Прапануем прамую трансляцыю нядзельнай Св. Імшы а 10:00 гадзіне на нашым YouTube канале. Каб нас знайсці, трэба шукаць: "Парафія св.Казіміра Касцёл св.Піо ў Маладзечне".
- Раім паглядзець альбо паслухаць:Радыё Марыя
- Па якім прынцыпе выбіраюцца хросныя.