Skip to main content

ІІІ Велікодная нядзеля, Год А 19 красавіка 2026 г.

| Парафіяльныя аб'явы (архіў) »
emaus 

1. Хрыстос уваскрос! Шчыры дзякуй вам за кожную малітву, ахвяру і дапамогу на карысць касцёла і кляштара. Асаблівая падзяка тым, хто прыбіраў касцёл на гэтым тыдні. За кожнае дабро няхай узнагародзіць вас Пан Езус і святы наш айцец Францішак.

2. На гэтым тыдні адзначаем:

  • У аўторак 21 красавіка – успамін св. Конрада з Парцгама, законніка.
  • У чацвер 23 красавіка – успамін св. Войцеха, біскупа і мучаніка. У гэты дзень свае імяніны адзначае наш дарагі бр. Войцех Врублеўскі. Маліцца за яго будзем у наступную нядзелю падчас святой Імшы а 18.00.
  • У пятніцу 24 красавіка – успамін св. Фідэля Сігмарынгенскага, прэзбітэра і мучаніка.
  • У суботу 25 красавіка – свята св. Марка, евангеліста.

3. У суботу 2 траўня плануецца аўтобусная пілігрымка ў Будслаў на сустрэчу ўсіх супольнасцяў Касцёла. Кошт выезду 20 руб. Адпраўленне а 8.00 ад паркоўкі ля крамы “Светафор”. Запісацца на выезд можна ў краме.

4. 16 траўня а 9.00 у нашым касцёле адбудзецца арганізацыйная сустрэча ўсіх колаў Жывога Ружанца нашай парафіі. Вельмі просім усіх удзельнікаў колаў запланаваць час, каб прыйсці на гэтую сустрэчу.

5. Радасная навіна для нашай братэрскай і парафіяльнай супольнасці: з 20 красавіка распачне сваё служэнне ў гэтым месцы брат Андрэй Багдановіч, прэзбітэр. Заахвочваем атуліць яго малітвай асабліва напачатку новага этапу свайго жыцця.

6. У наступную нядзелю 26 красавіка падчас святой Імшы а 13.00 ў менскай архікатэдры адбудзецца ўстанаўленне новых лектараў. Сярод іх – 9 мужчын з нашай парафіі. Просім памятаць пра іх у малітве, каб маглі годна несці даручаную ім паслугу ў нашай парафіі і за яе межамі.

7. Заахвочваем наведваць нашу парафіяльную краму, дзе перадусім можна набыць Біблію, духоўную літаратуру, а таксама іншыя прыгожыя і карысныя рэчы звязаныя з нашай верай і хрысціянскай тэматыкай.

 caritaskras
 

Карысныя спасылкі: