"... Будзьце шчаслівымі, бо можаце"
св. Філіп Нэры
Штогадовае наведванне нашых сяброў у псіханеўралагічным доме-інтэрнаце г. Маладзечна ўжо стала добрай традыцыяй. Таму і сёлета валанцёры парафіяльнага Caritas нашай парафіі разам з супольнасцю францішканскай моладзі Таў і дзіцячым хорам "Зярняткі" завіталі да нашых сяброў з музычнай праграмай. Пасля праграмы былі вясёлыя танцы, забавы. Здаецца, сама прырода радуецца: выдаўся прыгожы сонечны дзень! Затым валанцёры пачаставалі пастаяльцаў салодкімі прысмакамі і смачнай піцай. Усе засталіся шчаслівыя і сытыя!
Дзякуем Пану Богу за магчымасць дзяліцца радасцю з іншымі.
Тэкст: Ігар Лапата
Фота: Таццяна Сакалоўская, Ірына Фаміна
Больш фота і відэа: