1. Шчыры дзякуй вам за кожную малітву, ахвяру і дапамогу на карысць касцёла і кляштара. Асаблівая падзяка тым, хто прыбіраў касцёл на мінулым тыдні, а таксама тым, хто дапамог у арганізацыі пілігрымкі ў Будслаў сваімі малітвамі, прадуктамі, ахвяраваннямі. За кожнае дабро няхай узнагародзіць вас Пан Езус і святы наш айцец Францішак.
2. На гэтым тыдні адзначаем:
- У пятніцу 10 ліпеня – свята св. Веранікі Джуліяні, панны.
- У суботу 11 ліпеня – свята св. Бэнэдыкта, абата, апекуна Еўропы.
3. У гэтым годзе 19 ліпеня лебедзеўская парафія святкуе юбілей свайго 550-годдзя. Распачнецца гэтае святкаванне з перажывання святых місій як асаблівага часу падрыхтоўкі, навяртання і рэанімацыі веры. Місіі пройдуць у днях з 12 па 19 ліпеня. Кожны дзень на працягу тыдня будзе святая Імша з адмысловымі набажэнствамі. Правядзе святыя місіі кс. Артур Ляшнеўскі, салезіянін. Сардэчна запрашаем пазнаёміцца з парадкам набажэнстваў на дошцы аб’яваў і далучацца да супольнага перажывання гэтага святога часу.
4. З 25 чэрвеня да 20 жніўня адбываецца рэгістрацыя кандыдатаў для паступлення ў Мінскі тэалагічны каледж iмя св. Яна Хрысціцеля на 2026-2027 навучальны год. Заахвочваем скарыстацца з магчымасці паглыбіць свае рэлігійныя веды і знайсці сваю магчымасць служэння супольнасці Касцёла. Падрабязную інфармацыю можна знайсці ў вайберы і атрымаць у братоў.
5. Заахвочваем наведваць нашу парафіяльную краму, дзе перадусім можна набыць Біблію, духоўную літаратуру, а таксама іншыя прыгожыя і карысныя рэчы звязаныя з нашай верай і хрысціянскай тэматыкай.
Карысныя спасылкі:
- Прапануем прамую трансляцыю нядзельнай Св. Імшы а 10:00 гадзіне на нашым YouTube канале. Каб нас знайсці, трэба шукаць: "Парафія св.Казіміра Касцёл св.Піо ў Маладзечне".
- Раім паглядзець альбо паслухаць:Радыё Марыя
- Па якім прынцыпе выбіраюцца хросныя.