У нядзелю Хрыста - Валадара сусвету валанцёры з Карытаса і супольнасці Францішканскай моладзі Таў адведалі псіханеўралагічны дом-інтэрнат, каб падзяліцца святлом і радасцю з братамі і сёстрамі.
Сустрэчу распачалі супольнай малітвай "Ойча наш", затым перайшлі да творчай праграмы. Усе ахвотнікі змаглі падзяліцца сваімі талентамі ў маляванні, спевах, фартэпіяннай ігры, чытанні вершаў ды танцах. Напрыканцы зладзілі салодкі стол. Такім чынам, кожны ўдзельнік здолеў зарадзіцца пазітыўным настроем, радасцю і цеплынёй у стасунках з бліжнімі.
Тэкст: Ганна-Марыя Гараніна
Фота: Ірына Фаміна