Афіцыйная старонка Ордэна Меншых Братоў Капуцынаў

Ордэн Меншых Братоў Капуцынаў (Ordo Fratrum Minorum Capucinorum — OFM Cap)

Найвышэйшы, праслаўлены Божа, асвяці змрок майго сэрца і дай мне, Пане, сапраўдную веру, непахісную надзею і дасканалую любоў, разуменне і пазнанне, каб выканаў Тваё святое і праўдзівае пасланніцтва.
Малітва св. Францішка перад крыжам
 

Аляксандр Астраушка

22 чэрвеня ў касцёле св. Валянціна ў Смалявічах, што пад Мінскам, дыякан Аляксандр Астраушка OFMCap прыме сакрамэнт пасвячэння ў ступені прэзбітэрату.

Парадак хрысціянскага ўтаямнічання дарослых

Літургічная кніга «Парадак хрысціянскага ўтаямнічання дарослых» у перакладзе на беларускую мову была прэзентавана 16 красавіка ў Мітрапалітальнай курыі ў Мінску падчас велікоднай прэс-канферэнцыі арцыбіскупа Тадэвуша Кандрусевіча, Мітрапаліта Мінска-Магілёўскага.

Алег Вайцяховіч

Брат Алег Вайцяховіч, святар з Беларускай кустодыі Ордэна меншых братоў Капуцынаў, адпраўляецца на місію ў Грузію. 14 мая ў парафіі св. Францішка Асізскага ў Мінску брату Алегу быў урачыста ўручаны місійны крыж.

настоятель прихода святого Франциска в Минске Андрей Жилевич
Читать полностью:  https://news.tut.by/society/620256.html?fbclid=IwAR08M9Zxqa7RLqT8HQTRsuI_klLKGhzHYtVD04fgyFzxlNmMaDQmWHrSDf8

С монахом Андреем Жилевичем мы сидим на кухне офиса католического детского центра «Каритас» под Минском. Пахнет кофе, который только что залили кипятком. За окном снег тонким ровным слоем ложится на деревья и устилает дорожку, которую буквально минут двадцать назад для нас расчистил администратор. Наш собеседник — монах-капуцин. Всего в Беларуси их 23, еще несколько человек учатся в Польше.

Уручэнне місійнага крыжа новаму місіянеру з Беларусі брату Валерыю Кунгеру OFMCap

29 снежня ў касцёле Найсвяцейшай Тройцы ў Докшыцах падчас святой Імшы адбылося ўручэнне місійнага крыжа новаму місіянеру з Беларусі брату Валерыю Кунгеру OFMCap.

Для нашай краіны гэтая падзея незвычайная, а для Кустодыі братоў капуцынаў у Беларусі — увогуле першая ў гісторыі.

касцёл св. Францішка ў вёсцы Копішча

29 верасня арцыбіскуп Тадэвуш Кандрусевіч асвяціў капліцу пры касцёле св. Францішка ў вёсцы Копішча (Бараўлянскі сельсавет), што пад Мінскам (Новая Баравая).

Маладой парафіяльнай супольнасцю ў вялікім новым жылым масіве духоўна апякуюцца браты капуцыны, якія вядуць тут будаўніцтва касцёла ў гонар святога Бедняка з Асізі.

папа францішак

14 верасня 2018 г. Святы Айцец прыняў удзельнікаў капітула Ордэна капуцынаў. Спачатку Папа ўручыў ім тэкст прамовы, якую падрыхтаваў загадзя, а сам вырашыў звярнуцца да ім сардэчнымі словамі экспромтам:

«Я тут маю падрыхтаваную прамову, але яна занадта фармальная, каб падзяліцца ёю з вамі, капуцынамі; я перадам яе айцу Генералу… Вось яна, гэта — афіцыйная.

асвячэнне капліцы пры касцёле св. Францішка ў вёсцы Копішча

29 верасня, у свята св. Міхала Арханёла (апекуна Мінска-Магілёўскай правінцыі Касцёла), св. Габрыэля і Рафала, арханёлаў, арцыбіскуп Тадэвуш Кандрусевіч здзейсніць асвячэнне капліцы пры касцёле св. Францішка ў вёсцы Копішча (Бараўлянскі сельсавет), што пад Мінскам.

Маладой парафіяльнай супольнасцю ў вялікім новым жылым масіве духоўна апякуюцца браты капуцыны, якія вядуць тут будаўніцтва касцёла ў гонар святога Бедняка з Асізі.

Урачыстая св. Імша з асвячэннем капліцы распачнецца ў Копішчы а 11-й гадзіне.

капітул Ордэна меншых братоў капуцынаў

Міжнародная калегія святога Лаўрэнція – навукова-культурны цэнтр ордэна – цягам апошніх трох тыдняў была месцам сустрэчы больш чым 200 братоў з усіх кантынентаў і больш чым 100 краін свету. Дзясяткі моваў, разнастайнасць традыцый і літургічных абрадаў не былі перашкодай у супольнай малітве, але раскрывалі разнастайнасць і адметнасць культур, ментальнасцяў і гісторый – найперш у дыскусіях і палеміках у працоўных групах.

Новы Генеральны настаяцель Ордэна Меншых Братоў Капуцынаў

Новы Генеральны настаяцель Ордэна Меншых Братоў Капуцынаў быў абраны падчас 85-га Генеральнага капітула гэтай манаскай супольнасці, у якім бярэ ўдзел таксама кіраўнік Беларускай кустодыі Ордэна брат Алег Шэнда OFM Cap.

Новым кіраўніком Ордэна, які налічвае больш за дзесяць тысяч братоў ва ўсім свеце, стаў 57-гадовы італьянец брат Рабэрто Джэнуін.

генеральны капітул ордэна меншых братоў капуцынаў

27 жніўня 2018 года ў міжнароднай калегіі братоў капуцынаў у Рыме распачаўся 85-ты чарговы генеральны капітул ордэна меншых братоў капуцынаў. Гэты сход з’яўляецца найвышэйшым органам кіравання ордэнам і сёлета прадстаўлены 188 братамі з усіх кантынентаў большасці краін свету. Беларускім дэлегатам капітулы з’яўляецца вышэйшы кіраўнік прысутнасці капуцынаў у нашай краіне — брат Алег Шэнда.

вечныя манаскія абяцанні прынёс брат Ян Садоўскі

21 ліпеня ў мінскай супольнасці Меншых братоў капуцынаў, якія нясуць служэнне ў сталічнай парафіі св. Францішка Асізскага ў мікрарёне Уручча (Копішча), вечныя манаскія абяцанні прынёс брат Ян Садоўскі.

З 8 па 12 ліпеня 2018 гада ў Рыме адбылося першае скліканне ўсіх постнавіцыятаў і студэнтаў капуцынаў Еўропы. Больш за дзвесце братоў сабраліся ў Міжнародным каледжы Сан-Ларэнца ды Брындызі, каб абмеркаваць тэму фарміравання ў Ордэне і крокі, якія неабходна прыняць, каб быць жывой прысутнасцю на еўрапейскім кантыненце.

Ordinazioni diaconali CIFIS – Bari, 1 luglio 2018

1 ліпеня ў горадзе Бары (Італія) у базыліцы св. Фары падчас святой Імшы, якую ўзначальваў арцыбіскуп Франчэско Какучы, Мітрапаліт Бара-Бітонцкі, дыяканскае пасвячэнне прыняў брат Аляксандр Астраушка, ураджэнец Маладзечна, з Беларускай кустодыі Ордэна братоў меншых капуцынаў.

Максім Варанюк

6 Мая ў нашым касцёле ў 12-00 упершыню цэлебраваў Святую Iмшу наш парафiянiн новапрэзбiтэр айцец Максiм Варанюк, якi атрымаў прэзбiтэрскае пасвячэнне 4 мая ў Докшыцах.  На Прымiцыйнай Iмшы таксама вiталi  братоў капуцынаў з Докшыц, Мiнску, Верхнядзвiнску, Вiльнi. На прыканцы Святой Iмшы а. Максiм удзялiў прымiцыйнае благаслаўленне сваiм родным, святарам, законнiкам i ўсiм вернiкам.

прэзбітэрскае пасвячэнне

Абрад пасвячэння ў касцёле Святой Тройцы здзейсніў біскуп Рэйк’явіка (Ісландыя) Давід Тэнцэр, які таксама з’яўляецца капуцынам.

Урачыстасць пачалася з урачыстага ўваходу ў храм іерархаў, святароў, міністрантаў і, вядома, саміх кандыдатаў у пасвячэнне.

 Адпустовая ўрачыстасць у Пераломе

29 красавіка ў вёсцы Пералом на Гродзеншчыне ў адзінай на сённяшні дзень у Беларусі манаскай пустэльні адбылася адпустовая ўрачыстасць св. Юрыя.

 біскуп Рэйк’явіка Давід Тэнцэр OFMCap

Каталіцкі біскуп Рэйк’явіка Давід Тэнцэр OFMCap прыляцеў у Беларусь на ўрачыстасць у Докшыцы, дзе 4 мая двое беларусаў з ордэна капуцынаў атрымаюць прэзбітэрскае пасвячэнне.

Напярэдадні іерарх даў інтэрв’ю Catholic.by, у якім расказаў пра каталіцкіх святароў Ісландыі, а таксама пра тое, чым мясцовыя лютэране адрозніваюцца ад католікаў.

Рэйк’явік – Мінск. Адлегласць у 4 тысячы кіламетраў

У Ісландыі людзей з Беларусі біскуп амаль не сустракаў, калі не лічыць жонкі аднаго парафіяніна — эмігранта з Польшчы. Гэтым веды пра Беларусь і заканчваюцца. Але хіба і мы амаль ніколі не сустракалі ў Беларусі людзей з Ісландыі. Да гэтага дня.

 парафія святога Францішка ва Уруччы

31 сакавіка ў якасці перадсвяточнага візіту арцыбіскуп Тадэвуш Кандрусевіч, Мітрапаліт Мінска-Магілёўскі, наведаў, між іншым, парафію святога Францішка ва Уруччы, духоўную апеку над якой ажыццяўляюць айцы з супольнасці Меншых братоў капуцынаў.

Вернікі гэтай маладой парафіі пакуль, на жаль, не маюць уласнай святыні. Яе пабудова яшчэ толькі вядзецца, а між тым набажэнствы праходзяць у часова прыстасаванай капліцы.

Нягледзячы на тое, што навокал фактычна — будаўнічая пляцоўка, а таксама на адсутнасць нармальнай дарогі, арцыбіскуп пажадаў асабіста наведаць парафію, каб падзяліць з яе вернікамі і іх духоўнымі пастырамі часовыя нязручнасці і ўмацаваць іх надзеяй, якую дае ўсім Уваскрослы Хрыстус.