Папяльцовая серада

14 лютага ў Каталіцкім Касцёле пачынаецца Вялікі пост. Гэты саракадзённы перыяд, які рыхтуе вернікаў да велікодных урачыстасцяў, пачынаецца ў Папяльцовую сераду.

Адначасова Папяльцовая серада завяршае перыяд карнавалу, час забаваў, уводзячы людзей у цалкам іншы настрой – роздуму, сур’ёзнасці, разважання. Назва “Папялец” паходзіць ад абраду пасыпання попелам, які здзяйсняецца ў гэты дзень у Касцёле.

ўстанаўленне новых міністрантаў

28 студзеня, на галоўнай Імшы ў нашай парафіі, адбылося ўстанаўленне новых міністрантаў. Кандыдаты: Мацвей Страх, Якаў Дасюкевіч, Максім Суроўцэў былі прыняты ў літургічную службу. Жадаем усяго найлепшага!

Шукаем Пана Бога

Каб убачыць Пана Бога, трэба мець чыстае сэрца, шырока адкрытыя вочы і вушы. Сёння мы спрабавалі шукаць Пана, углядацца ў Слова Божае. Пан прамовіў да нас: "НЯХАЙ УЗРАДУЕЦЦА СЭРЦА ТЫХ, ХТО ШУКАЕ ПАНА".

Падрыхтоўка да бежмавання

На занятках мы дзяліліся Словам Божым. Няхай Дух Святы вядзе нас!

24 снежня, перад Урачыстай Святой Імшой на Божае Нараджэнне,  нашы парафіяне паказалі спектакль "Дары Артабана", пад кіраўніцтвам сястры Уладзіміры. 

Божае нараджэнне

У ноч з 24 на 25 снежня цэлебравалася Святая Імша - Пастэрка. Пастэрка - ад лацінскага слова pastor (пастух) - бо першымі людзьмі, якім Анёлы абвясцілі цудоўную навіну пра Нараджэнне Хрыста, былі бэтлеемскія пастушкі, што ў тую ноч пасвілі непадалёк свой статак. Менавіта яны першыя прыйшлі і пакланіліся нованароджанаму Збаўцу, а разам з імі - іх жывёла.

ЭТАП БЕЖМАВАННЯ 

Прайшоў Дзень моладзі ў нашай парафіі. Моладзь з 8-11 класаў прыняла ўдзел у гэтым мерапрыемстве. 

На сустрэчу прыйшло 35 чалавек. Моладзь выслухала канферэнцыю бр. Юрыя Краўчанкі, які распавёў моладзі "Што такое Керыгма". Пасля былі сустрэчы ў малых групах, дзе разам дзяліліся сваімі ўражаннямі наконт выслуханай канферэнцыі. 

Катэхезы пра Адвэнт

На катэхезе пра Адвэнт мы зрабілі прыгожыя вяночкі. 
Сапраўды, гэта час радаснага чакання Нараджэння Збаўцы! Нам вельмі радасна і ў нас ужо гараць чатыры свечкі! 
 

Дзень моладзі

 

Рараты для дзяцей

На працягу Адвэнту ў 615  Гадзінкі аб Беззаганным Зачацці Найсвяцейшай Панны Марыі, а пасля Гадзінак, у 645 -   Раратняя Імша. Дзяцей чакаем на Раратах у панядзелак і чацвер.

Што такое Рараты?

Рараты — адмысловыя святыя Імшы ў перыяд Адвэнту. Назва «Рараты» бярэ свой пачатак ад лацінскай песні «Rorate coeli desuper» («Дайце, нябёсы, росы з вышыняў»), якая спяваецца ў перыяд Адвэнту, звычайна на пачатку раратняй Імшы: чым для высахлай зямлі з’яўляецца раса, тым Хрыстус для тых, хто Яго чакае.

Ружанцовы кангрэс
 
6 прадстаўнікоў  з нашай парафіі прынялі ўдзел у Ружанцовым Канрэсе,  які адбыўся ў катэдры Унебаўзяцця Найсвяцейшай Панны Марыі і св. Станіслава ў Магілёве.

Ніхто з удзельнікаў не пашкадаваў, што паехаў! Была вельмі насычаная праграма: шмат канфірэнцый на тэму ружанца, гарбата, супольны абед, асабліва спадабаўся канцэрт на заканчэнне дня. Дзякуем Богу за такую магчымасць падзяліцца сваёй верай і любоў'ю да Марыі!

Восеньскія катэхезы

Робім ружанцы сваімі рукамі з прыродных матэрыялаў, або маміных бусаў. 

Робім плакат "Вінаградная Лаза".

На перапынках паміж катэхезамі любім гуляць у футбол!

бежмаванне

Падрыхтоўка да бежмавання – вельмі адказны час!

У суботу 13 кастрычніка на св. Імшы а 18-й гадзіне, частка моладзі нашай парафіі закончыла І этап падрыхтоўкі да сакрамэнта бежмавання.

Праз удзел у катэхезах, праз асабістую малітву, праз іншыя святыя сакрамэнты маладыя хлопцы і дзяўчаты выразілі сваё жаданне надалей працягваць сваю падрыхтоўку.

Транзітус (“пераход”) – набажэнства ўспаміну смерці Святога Францішка Асізскага (адышоў да Бога 3 кастрычніка 1226 года). Згодна з традыцыяй гэтага дня ва ўсіх францішканскіх супольнасцях і парафіях у гэты вечар адпраўляецца набажэнства, якое ўзгадвае пераход Святога з зямлі да нябеснай хвалы.

рэкалекцыі для моладзі

У Лебедзева ў мінулыя выхадныя прайшлі рэкалекцыі для моладзі нашай парафіі, якія рыхтуюцца да сакрамэнту бежмавання. Тры дні былі вельмі насычаныя: канферэнцыі, супольная і індывідуальная малітва, адарацыя з малітвай праслаўлення перад Езусам у Найсв.Сакрамэнце, разважанне і дзяленне Словам Божым, сакрамэнт пакаяння і паядняння, псіхалягічны трэнінг “Палюбі сябе самога”, прагляд добрага фільму, сустрэчы і размовы з аніматарам. Праз гэтыя тры дні мы разважалі тэму Божага паклікання і спаўненне волі Божай у маім жыцці. Шукалі адказу на пытанні: як шчыра і бескарысна любіць Бога, сябе і бліжнягя, як жыць у Божай праўдзе, не баяцца быць шчаслівымі і імкнуцца да святасці?

свята св. а. Піо

У суботу, 23 верасня, Касцёл успамінае св. падрэ Піо з П'етрэльчыны. У гонар св. Піо названы наш касцёл, таму ў нашай парафіі гэты дзень з'яўляецца святам. 
Узначаліў урачыстую святую імшу кс. канонік Сяргей Бараўнёў, пробашч парафіі Божага Цела ў Беразінскім, які паходзіць з Маладзечна. Таксама прысутнічалі кс. пралат Эдмунд Даўгіловіч-Навіцкі, пробашч парафіі св. Юзэфа ў Маладзечне, кс. канонік Аляксандр Барыла, пробашч парафіі Узвышэння Святога Крыжа ў Вілейцы і кс. Уладзімір Русак, таксама маладзечанец, пробашч парафіі Найсвяцейшага Сэрца Езуса ў Лебедзеве.

Манаскія Шлюбы

У нядзелю, 17 верасня, у Свята  Стыгматаў св. Францішка з Асізі,  склала Першыя Манаскія Шлюбы ў Супольнасці Сясцёр Капуцынак Найсвяцейшага Сэрца Езуса дзяўчына з нашай парафі  Аліна Скапец. Урачыстасць адбылася ў Любліне,  у касцёле Беззаганнага Сэрца Марыі і св.Францішка з Асізі.  Капуцынкі Найсвяцейшага Сэрца Езуса

отец Пио

Ён ніколі не раставаўся з ружанцам і заахвочваў іншых маліцца на ружанцы, кажучы: «Імкніцеся любіць Марыю і рабіце ўсё, каб Яе любілі. Маліцеся на ружанцы, і ўсё будзе добра ... Ружанец - гэта трыумф Госпада»

 

Галоўная Адпустовая Св. Імша адбудзецца ў 18-00 гадзін.  На Урачыстасць запрошаны моладзевы каталіцкі гурт "Рыбы”, які дасць канцэрт пасля Св. Імшы. 

катэхезы
 
Робім закладку "светлафор". Як выглядаюць мае адносіны з Богам? Як выглядае мая малітва?
Катэхеза пра прарока Ёну і кіта. 
Пасля катэхезы мы з радасцю ідзём на новую дзіцячую пляцоўку, і не важна, што яна для дашкольнікаў, школьнікі таксама любяць гуляць у піратаў! 
 

Усе дзеці школьнага ўзросту абавязаны прыходзіць на катэхезу.

Катэхеза – гэта не толькі падрыхтоўка да споведзі і Св. Камуніі.

ККК нам прыпамінае: “Бацькі з’яўляюцца для дзяцей першымі настаўнікамі веры і першыя адказваюць за іх выхаванне. Яны маюць абавязак таксама забяспечваць, наколькі магчыма, іх духоўныя патрэбы. Іх асаблівая місія — выхоўваць дзяцей у хрысціянскай веры”. І супольнасць Касцёла імкнецца дапамагаць бацькам у хрысціянскім выхаванні сваіх дзяцей. Заахвочваем усіх запісвацца на заняткі катэхезы.

 1 верасня
 
Сёння ў нас распачаўся новы навучальны год. На Св.Імшы, з удзелам дзяцей, адбылося асвячэнне школьных прыналежнасцяў.  Дзеці атрымалі Божае благаслаўленне. Столькі дзяцей і столькі радасці! Няхай гэтая радасць захаваецца ў нашых сэрцах на ўвесь год! 
 

лагерь

 

Запрашаем усіх дзяцей школьнага ўзросту прыняць удзел у арганізаваных канікулах у нашай парафіі.

Канікулы пройдуць з 23 па 27 жніўня на тэрыторыі нашага касцёла. Дзеці з раніцы прыходзяць ў касцёл, а вечарам вяртаюцца да дому. 

У праграме прадугледжана супольная малітва, музыка і танцы, розныя кружкі і заняткі, спорт на свежым паветры і яшчэ шмат усяго вясёлага і цікавага.

Дзякуючы нашым братам капуцынам у касцёле з’явілася цудоўная рэч - батут!

Запрашаем усіх жадаючых дзяцей і дарослых адчуць лёгкасць палёту, атрымаць добры настрой, жаданне дацягнуцца да неба і атрымаць прыліў адрэналіну ў сваёй крыві!  

Прыйдзіце і адчуйце свае крылы!

 Капуцыны 

9 ліпеня два нашыя браты капуцыны з Беларусі, Ігар Колзун і Максім Варанюк, прынялі дыяканскія пасвячэнні ў Базыліцы Святой Фары ў Бары. Святая Фара – гэта старажытная французская манахіня, настаяцельніца бенедыктынскага жаночага манастыра ў Фармуцье, недалёка ад Парыжа. Два яе браты, таксама з’яўляюцца святымі. У гонар гэтай святой, была названа базыліка, у якой адбылася ўрачыстая святая Імша з удзяленнем дыяканскіх пасвячэнняў. Але перад тым, як расказаць пра гэтую падзею, прагну коратка нагадаць шлях бр. Максіма і бр. Ігара на працягу астатніх гадоў.

 

 

Пакуль многія дзяўчынкі і хлопчыкі сумавалі ў горадзе, моладзі нашай парафіі давялося пабываць у Польшчы, у горадзе Сокулов-Подляскі. Гэта вандроўка адбылася дзякуючы дабрачыннай арганізацыі Сaritas

  Сокулов-Подляскі