Увечары 24 снежня вернікі нашай парафіі сабраліся на Святой Імшы Пастэрцы прывітаць Нованароджанага Збаўцу.

Перад Імшой можна было паглядзець спектакль, які падрыхтавалі парафіяне з с. Фаўстынай - цудоўную гісторыю пра падарожжа ў часе. Відэа можна паглядзець па спасылцы ніжэй.

Імша распачалася працэсіяй, у якой маленькі Езус быў ўрачыста пранесены і змешчаны ў яслі. Хрыстос нарадзіўся! Славім Яго!

У гаміліі а. Ігар, услед за айцамі касцёла, заахвочваў паразважаць над тым, чаму Езус нарадзіўся менавіта ў стайні. Тым, што не прымаем Хрыста як Валадара, мы самі адкідаем Яго на адно з апошніх месцаў свайго жыцця, на задворкі. Хлеў нагадвае чалавечае сэрца, засмечанае грахом. І Езус згаджаецца прыйсці туды, каб асвяціць, напоўніць жыццём. Бо мае вялікую любоў да нас. Трэба толькі дазволіць Яму.

Тэкст: Кацярына Савянок

Фота: Эрык Савянок

 

Відэа спектакля: https://vk.com

Фота: https://vk.com ,  https://www.facebook.com

Знайшлі памылку? Вылучыце яе і націсніце «Ctrl + Enter».