УРАЧЫСТАСЦЬ ПАНА НАШАГА ЕЗУСА ХРЫСТА, ВАЛАДАРА СУСВЕТУ

22 лістапада

  1.  Вялікі дзякуй за кожную ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў касцёл і грабіў лісты. Няхай за ўчыненае дабро ўзнагародзіць вас Пан Езус і святы наш айцец Францішак Асізскі.
  2. Звярніце, калі ласка, увагу! У сувязі з далейшым распаўсюджваннем эпідэміі каранавірусу i высокай лічбай захворванняў, катэхеза ў нашай парафіі будзе праходзіць дыстанцыйна праз zoom. Усе падрабязнасці ў бацькоўскіх групах на вайберы.
  3. На працягу ўсяго месяца лістапада перад вячэрняй Святой Імшой будзе штодзённа а 17.10 адбывацца Ружанцовае набажэнства за памерлых, а затым Св. Імша за памерлых.
  4. Падрыхтоўка да сакрамэнту хросту для бацькоў і хросных адбываецца перыядычна на працягу месяца кожны чацвер а 19.00. Перад пачаткам курсу неабходная размова з пробашчам.  Калі ласка, прыходзьце на гэтыя сустрэчы ў масках.
  5. Да ўвагі ўдзельнікаў катэхезы для дарослых у нашай парафіі: усё сустрэчы адбываюцца згодна з раскладам у класе: аўторак 19.15 - Біблійныя сустрэчы, серада 19.00 - катэхезы для дарослых.
  6.  Сёлета поўны адпуст для памерлых можна атрымаць на працягу ўсяго лістапада. Для атрымання адпусту неабходна быць у стане асвячальнай ласкі (г. зн. прыступіць да сакрамэнту пакаяння і паяднання — споведзі), прыняць святую Камунію, памаліцца ў інтэнцыях Святога Айца і наведаць могілкі. Больш падрабязную інфармацыю пра адпусты можна атрымаць у малітоўніку «Ойча наш».
  7. 30 снежня свае імяніны адзначаюць нашыя браты Андрэй Шэстакоў і Андрэй Букштан. Памаліцца за іх можна будзе ў наступную нядзелю, 1 снежня, падчас вячэрняй Святой Імшы. Пасля гэтай жа Імшы можна будзе іх асабіста і ад імя супольнасцяў павіншаваць.
  8. Наступная нядзеля, 29 лістапада - першая нядзеля Адвенту. Пачынаецца новы Літургічны Год і літургічны перыяд АДВЭНТУ. На працягу Адвэнту ў 615 будзем спяваць Гадзінкі аб Беззаганным Зачацці Найсвяцейшай Панны Марыі, а пасля Гадзінак, у 645 -  удзельнічаць у святой Імшы, называнай “Раратняй”.
  9. Запрашаем да малітвы за Беларусь пасля св. Імшы:
    • у панядзелак - крыжовы шлях,
    • у аўторак - Малітвы перапрашэння за зло і грахі, якія ўчыніў беларускі народ,
    • у сераду будзе адбывацца Адарацыя Найсвяцейшага Сакрамэнту.
  10. На гэтым тыдні адзначаем:

24 лістапада ў аўторак —успамін св. Андрэя Зунг Лака, прэзбітэра, і паплечнікаў, мучанікаў.

26 лістапада ў чацвер— успамін св. Леанарда з Порто Маўрыцыо, прэзбітэра.

27 лістапада ў пятніцу— успамін св.Францішка Антонія Фазані, прэзбітэра

Запрашаем наведаць нашу парафіяльную краму, дзе можна ўзяць карткі для запісу прозвішчаў нашых памерлых, за якіх будзем маліцца ў лістападзе а таксама знічы на могілкі. Можна таксама набыць рэлігійную літаратуру і часопісы. Ёсць між іншым каляндары на 2021 годВялікі дзякуй за кожную ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў касцёл і грабіў лісты. Таксама, дзякуем усім хто прыносіў кветкі, каб упргожыць нашу святыню. Няхай за ўчыненае дабро ўзнагародзіць вас Пан Езус і святы наш айцец Францішак Асізскі.

 Раім пачытаць  catholic.by

Прапануем прамую трансляцыю нядзельнай Св. Імшы  а 10.00 гадзіне на нашым  YouTube канале (каб нас знайсці, трэба шукаць: Парафія св.Казіміра Касцёл св.Піо ў Маладзечне). наш  YouTube канал

 

 

У Мінска-Магілёўскай архідыяцэзіі ўводзяцца новыя прадпісанні ў сувязі з ростам захворванняў COVID-19

 

   Catholic.by

 15 кастрычніка Мітрапаліт Мінска-Магілёўскі арцыбіскуп Тадэвуш Кандрусевіч падпісаў Дэкрэт, якім уводзіцца шэраг новых прадпісанняў у сувязі з ростам захворванняў COVID-19.

Арцыбіскуп Тадэвуш Кандрусевіч

Мінск, 15 кастрычніка 2020 г.

№ 40/д/20

ДЭКРЭТ

У сувязі з далейшым распаўсюджваннем эпідэміі каранавірусу COVID-19 i высокай лічбай захворванняў, якая ў кантэксце восеньска-зімовага перыяду можа павялічыцца, а таксама з клопатам пра здароўе і жыццё жыхароў нашай краіны, беручы пад увагу Пастанову Канферэнцыі Каталіцкіх біскупаў у Беларусі, прынятую на 79-м пленарным пасяджэнні ККББ, пастанаўляю наступнае:

Паводле кан. 87 § 1, кан. 1245 і кан. 1248 § 2 Кодэксу Кананічнага Права Каталіцкага Касцёла, удзяляю дыспенсу ад абавязку ўдзелу ў святой Імшы ў нядзелі і прадпісаныя ўрачыстасці вернікам старэйшага ўзросту, якія асаблівым чынам падатлівыя на інфекцыю каранавірусу, асобам з сімптомамі хваробы, дзецям і школьнай моладзі, асобам, якія імі апякуюцца, а таксама тым, хто адчувае боязь перад небяспекай заражэння.

Заахвочваю вернікаў, якія карыстаюцца дыспенсай, прымаць удзел у суботніх вечаровых святых Імшах або ў святых Імшах у іншыя дні, калі ў касцёлах прысутнічае меншая колькасць вернікаў.

Адначасова заахвочваю тых вернікаў, якім дазваляе стан здароўя і не перашкаджаюць іншыя важныя прычыны, напрыклад, абавязковая праца, да ўдзелу ў нядзельных і святочных Імшах і іншых набажэнствах.

Святары павінны паінфармаваць вернікаў аб значэнні дыспенсы, а таксама растлумачыць сэнс духоўнай камуніі і заахвоціць да яе практыкавання.

Ксяндзы пробашчы і адміністратары парафій павінны прыкласці ўсе намаганні для таго, каб у святынях і іншых месцах супольнай малітвы захоўваліся асноўныя правілы гігіены: настойліва прасіць вернікаў насіць ахоўныя маскі або шчыткі, пры ўваходзе ў святыню змясціць дэзінфекцыйныя сродкі, нагадваць аб неабходнасці захавання сацыяльнай дыстанцыі і рэспіраторнага этыкету.

Святары, якія ўдзяляюць святую Камунію, а таксама цэлебруюць іншыя сакрамэнты, знаходзячыся ў непасрэднай блізкасці да вернікаў, абавязкова павінны карыстацца ахоўнымі маскамі і праводзіць дэзіфекцыю рук.

Пробашчы парафій, настаяцелі іншых структур Каталіцкага Касцёла, а таксама законных супольнасцяў і таварыстваў апостальскага жыцця ў архідыяцэзіі павінны разважліва і адказна падысці да арганізацыі розных евангелізацыйных і катэхетычных сустрэч, а таксама іншых мерапрыемстваў з пункту гледжання мэтазгоднасці іх правядзення падчас эпідэміі і з улікам магчымасці іх дыстанцыйнага правядзення, адмены або пераносу на пазнейшы час.

Нагадваю душпастырам аб абавязку рэзідэнцыі ў парафіях — яны павінны заставацца на месцы свайго служэння і быць даступнымі для людзей, асабліва хворых і патрабуючых і не адмаўляць вернікам у цэлебрацыі сакрамэнтаў, а таксама пахаванняў.

Пробашчы парафій павінны азнаёміць вернікаў архідыяцэзіі з гэтым дэкрэтам у нядзелю 18 кастрычніка 2020 года.

Усведамляючы выкліканыя пандэміяй каранавірусу складанасці як у штодзённым жыцці, так і ў выкананні рэлігійных практык, давяраю ўсіх апецы Маці Божай Будслаўскай, Апякункі Беларусі, і святога Роха, асаблівага ратаўніка ад заразных хваробаў, з надзеяй на іх заступніцтва перад Богам у прадухіленні гэтай хваробы і ад усяго сэрца благаслаўляю

Арцыбіскуп Тадэвуш Кандрусевіч, Мітрапаліт Мінска-Магілёўскі

Кс. Дзмітрый Пухальскі, Канцлер курыі      спасылка Catholic.by

Супакой і дабро!

 

 

 

Знайшлі памылку? Вылучыце яе і націсніце «Ctrl + Enter».