ХXV ЗВЫЧАЙНАЯ НЯДЗЕЛЯ

20 верасня

Вялікі дзякуй за кожную ахвяру і дапамогу на карысць касцёла і кляштара. Асаблівая падзяка тым, хто на гэтым тыдні прыбіраў і ўпрыгожываў касцёл, перад ўрачыстасцюПершай Святой Камуніі. Дзякуем хору які ўпрыгожвае гэтую ўрачыстасць спевам. Захвочваем да малітвы за дзяцей, іх бацькоў і с. Фаўстыну, якая іх рыхтавала да гэтай падзеі. Няхай за ўчыненае дабро ўзнагародзіць вас Пан Езус і святы наш айцец Францішак Асізскі.

  1. У аўторак пасля вячэрняй Імшы набажэнства да св. Піо.
  2. Звярніце, калі ласка, увагу на час набажэнства Адарацыі ў інтэнцыі нашай краіны, Касцёла і хутчэйшага завяршэння канфлікту:
    • З панядзелка па сераду ўключна - Адарацыя будзе адбывацца пасля св. Імшы.
    • З пятніцы па нядзелю ўключна - запрашаем на адарацыю перад Імшой а 17-й гадзіне.
    • Нагадваем, што з верасня Адарацыя ў чацвер пачынаецца ў 16.00.
  3. Вітаем ў нашай парафіі кс. Віталія Бяленіка, які нам абвяшчае Божае Слова і просіць аб матырыальнай дапамозе для парафіі ў Падсвіллі.
  4. сустрэчы ў групах для дарослых:
    • Біблійныя сустрэчы ў аўторак у 19.15;
    • Катэхеза для дарослых у сераду а 19.00 Запрашаем усіх жадаючых паглыбіць свае рэлігійныя веды;
    • Падрыхтоўка да сакрамэнту хросту для бацькоў і хросных у чацвер.  Да ўвагі бацькоў, якія хочуць ахрысціць сваё дзіця: у нашай парафіі з верасня распачынаецца сістэматычная падрыхтоўка бацькоў і хросных. Падрыхтоўка складаецца з чатырох катэхез, якія будуць праходзіць кожны чацвер а 19.00 у класе. Перад пачаткам курсу абавязковая размова з пробашчам. Бацькі, якія пройдуць гэты курс, змогуць ахрысціць дзіця ў апошнюю нядзелю месяца. Курс будзе паўтарацца кожны месяц. (Ніжэй па спасылцы пададзеная нфармацыя адносна крытэрыю выбару хросных бацькоў для дзіцяці).Шчаслівае сужэнства. Па якім прынцыпе выбіраюцца хросныя
  5. На гэтым тыдні адзначаем:
    • 21 верасня ў панядзелак —свята св. Мацвея, апостала і евангеліста
    • 22 верасня ў аўторак — успамін св. Ігнацыя з Санцыі, святара
    • 23 верасня ў сераду — св. а Піо з П’етрэльчыны, святара. Гэта тытульнае свята нашага касцёла. Парадак святой Імшы паводле будняга дня, галоўная Імша а 18.00.
  1. Распачалася ў нашай парафіі катэхэза дзяцей і моладзі. Вельмі заахвочваем запісваць тых дзяцей, якія яшчэ не ходзяць. Нагадваем, што заняткі працягваюцца таксама і пасля Першай святой Камуніі. Звярніце ўвагу на расклад заняткаў на дошцы аб’яў і на нашым сайце. З пытаннямі адносна катэхізацыі дзяцей і дарослых, калі ласка, звяртайцеся да нашых сясцёр.
  2. Запрашаем на сустрэчы міністрантаў, хлопцаў школьнага ўзросту, якія жадаюць служыць пры алтары Пана. Звяртацца можна да бр. Ігара
  3. Увага! 24 жніўня Мітрапаліт Мінска-Магілёўскі арцыбіскуп Тадэвуш Кандрусевіч падпісаў дэкрэт, якім адклікаў дадзеную ва ўмовах пандэміі каранавірусу дыспенсу ад абавязку ўдзелу ў святой Імшы ў нядзелі і абавязковыя ўрачыстасці.Адпаведны дэкрэт, які даваў магчымасць пэўным катэгорыям вернікаў у нядзелі і абавязковыя ўрачыстасці заставацца дома і духоўна далучацца да святой Імшы з дапамогай трансляцыі, быў абнародаваны 20 сакавіка. З 1 верасня яго дзеянне спыняецца.

    Такім чынам, кожны вернік абавязаны асабіста ўдзельнічаць у святой Імшы ва ўсе нядзелі года і ў прадпісаныя ўрачыстасці.

    Каб належным чынам выканаць гэты касцёльны наказ, неабходна быць на святой Імшы або ў сам святочны дзень, або ў вігілію — увечары папярэдняга дня. Невыкананне гэтага наказу без важнай прычыны (знаходжанне ў шпіталю або ў войску ці іншая фізічная немагчымасць) з’яўляецца цяжкім грахом.

расклад 2021

   Раім пачытаць  catholic.by

  наш  YouTube канал

Супакой і дабро!

 

 

 

Знайшлі памылку? Вылучыце яе і націсніце «Ctrl + Enter».